Nurul Huda International

 سوال۔ڈھولن ہٹھار (ضلع قصور)سے حافظ محمد مرتضیٰ ساجد (ہفت روزہ اہل حدیث لاہور) خریداری نمبر 1148 لکھتے ہیں کہ کیا نوافل میں قرآن مجید سے دیکھ کر قراءت کی جاسکتی ہے یا نہیں؟نیز سونے سے پہلے سورۃ الملک اور سورۃ سجدہ پڑھنے کے متعلق حدیث میں آیا ہے کہ اگر ان دونوں سورتوں کو نوافل میں پڑھ کر سو جائے تو کیا ایسا کرنا درست ہے؟ جواب۔نماز میں قرآن کریم سے دیکھ کر قراءت کی جاسکتی ہے لیکن اس پر دوام درست نہیں ہے ،چنانچہ حضرت عائشہ رضی اللہ عنہا کا ایک ذکوان نامی غلام جماعت کراتے ہوئے قرآن سے دیکھ کرقراءت کرتا تھا۔ (صحیح بخاری تعلیقاً :باب امامۃ العبد) حافظ ابن حجر رحمۃ اللہ علیہ نے لکھا ہے کہ امام ابو داؤد نے اپنی تالیف المصاحف اور ابن ابی شیبۃ نے اپنی مصنف میں اسے موصولا بیان کیا ہے اور رمضان المبارک میں تراویح پڑھاتے ہوئے وہ ایسا کرتے تھے۔بعض حضرات نے عمل کثیر کی وجہ سے اسے ناپسند کیا ہے لیکن اس کی کوئی حیثیت نہیں ہے کیوں کہ سیدہ عائشہ رضی اللہ عنہا کے سامنے یہ عمل سر انجام پاتا تھا۔ اگر ناپسند ہوتاتو آپ ضرور منع فرما دیتیں، نیز بعض اوقات اس کی ضرورت پڑ سکتی ہے۔ جب دوران نماز بچہ اٹھانا جا...

 واٹس ایپ کی پرائیویسی سے لوگوں کی گھبراہٹ کا یہ حال ہے تو روز محشر جب گناہوں کی پرائیویسی کھلے گی تو کیا حال ہوگا؟  اس دن کا سوچیں،جب ہر ایپ ہی نہیں سارے اعضاء ساری مخلوق کے سامنے ہمارا راز افشاء کریں گے۔ سوچنے کی اصل بات!  واٹس ایپ نے اپنا ڈیٹا فیس بک کے سامنے رکھنے کا اعلان کیا تو سب پریشان اور فکر مند نظر آنے لگے، لیکن۔۔۔۔۔ بے شمار بار ہمارے سامنے یہ اعلان ہوتا رہا کہ ایک دن آئے گا جب آپ کی زندگی کا مکمل ڈیٹا سب کے سامنے رکھا جائے گا اور اس کا حساب و کتاب ہوگا...! لیکن ہائے افسوس کہ ہم نے کبھی اس بارے سوچا اور نہ ہی فکر مند ہوئے...! کاش کہ ہم اب بھی بیدار ہوجائیں!!!! آخرت کی تیاری بھی کرلیں ...!!! حساب کا وقت تو بالکل قریب آگیا ہے، بس مرنے کی دیر ہے۔ سو بات کی ایک بات!  جو ایک نمبر (نیک) ہوتے ہیں ان کے پاس کُچھ چُھپانے کو ہُوتا ہی نہیں وہ کُھلی کتاب کی طرح ہوتے ہیں  یہ (کھٹکا) عذاب دو نمبریوں کو ہر طرف سے پریشان رکھتا ہے۔ گردش کرتی ہوئی خبروں کی حقیقت!  صرف وٹس اپ اپنی فیس بک کو چلانے اور مارکیٹرز سے پیسے کے لیے اشتہارات دکھانے کے لیے کچھ انفارمیشن۔ (...

علامہ احسان الہی ظہیر کی کار  جب چلتی نہر میں گری 1973ء میں بورے والا سے میں ایک جلسہ عام کو خطاب کرنے کے بعد خانیوال کی طرف عازمِ سفر ہوا اس وقت میرے ہمراہ دو ساتھی بھی تھے خانیوال کے وکلاء نے مجھے بار روم سے خطاب کرنے کی دعوت دے رکھی تھی اس لئے ایک وکیل بھی میرے ساتھ تھا لاہور سے بورے والا تک سفر کی تھکان، اس کے بعد بورے والا میں جلسہ عام سے خطاب، گرمی کی شدت سے سارا جسم درد کر رہا تھا چنانچہ ٹیکسی کی پچھلی نشست پر بیٹھتے ہی سو گیا۔ یہ ٹیکسی بورے والا میں جلسہ عام کروانے والوں نے کرائے پر حاصل کی تھی۔ رات کے ساڑھے بارہ بج رہے تھے۔ مجھ پر آہستہ آہستہ نیند غلبہ پا رہی تھی غنودگی کے عالم میں، میں نے اپنا بریف کیس ٹیکسی کی پچھلی نشست کے اوپر بنے ہوئے بورڈ پر رکھ لیا غنودگی کے عالم میں میں نے دروازے کو لاک کرنا چاہا لیکن کسی غیبی طاقت نے میرے ہاتھ روک لئے یکایک یہ خیال ذہن میں سرایت کر گیا کہ اگر ٹیکسی کو کوئی حادثہ پیش آ گیا تو ہم باہر کیسے نکلیں گے یہ خیال آتے ہی میں نے دروازہ لاک نہ کیا اور اگلے ہی لمحے نیند کی آغوش میں چلا گیا۔ یکایک حافظ طارق کی چیخ نے مجھے دہلا کر رکھ دیا میں ہڑ...

 اللہ تعالیٰ نے اپنی’’محبت‘‘ اور پسندکے اعلیٰ طریقے… اپنے محبوب نبی صلی اللہ علیہ وسلم کوعطاء فرمائے… آپ صلی اللہ علیہ وسلم نے ان طریقوں کو’’محبت‘‘کے ساتھ اپنایا… یہ طریقے’’سنت‘‘ کہلاتے ہیں… ان میں خیر ہی خیر اور خوشبو ہی خوشبو ہے… ’’مسواک‘‘ بہت اعلیٰ اور محبوب سنت ہے… ام المومنین سیدہ عائشہ رضی اللہ عنہا فرماتی ہیں… حضور جب گھر تشریف لاتے تو سب سے پہلے مسواک فرماتے… اور آپ صلی اللہ علیہ وسلم نے اپنی وفات کے وقت جو آخری کام فرمایا، وہ بھی’’مسواک‘‘ تھا… یہ مسواک حضرت عائشہ رضی اللہ عنہا نے چباکر نرم فرمایا…  فضیلت مسواک پر احادیث ملاحظہ فرمائیں- سیدہ عائشہ رضی اللہ عنہا نے رسول اللہ صلی اللہ علیہ وسلم کا یہ فرمان گرامی نقل کیا ہے : السواك مطهرة للفم، مرضاة للرب ’’ مسواک منہ کے لیے صفائی کا موجب اور اللہ تعالیٰ کی رضا کا باعث ہے۔“ [سنن النسائي: 5، صحيح ابن خزيمة: 135، و سندهٔ صحيح]  سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا : لولا أن أشق على أمتي، أو على الناس، لأمرتهم بالسواك مع كل صلاۃ ’’ اگر میں اپنی امت کے لوگوں پر مشقت نہ سمجھ...

صحیح بخاری میں ایک بڑا دلچسپ واقعہ منقول ہے. رسول اللہ صلی اللہ علیہ و سلم صحابہ کرام رضی اللہ عنہم کے ساتھ ایک مجلس میں تشریف فرما تھے. ایک عورت آئی اور اس نے اپنا نفس رسول اللہ صلی اللہ علیہ و سلم کے سپرد کر دیا کہ اس کی جہاں چاہیں شادی کر دیں. ایک غریب کنوارے صحابی وہاں موجود تھے. انھوں نے کہا کہ یا رسول اللہ صلی اللہ علیہ و سلم! اس کی شادی آپ مجھ سے کر دیجیے. رسول اللہ صلی اللہ علیہ و سلم نے پوچھا : "تمھارے پاس اسے حق مہر دینے کے لیے کچھ ہے؟ " اس نے کہا کہ میرے پاس کچھ نہیں ہے. آپ صلی اللہ علیہ و سلم نے فرمایا کہ جاؤ اگر لوہے کی انگوٹھی ہی مل جائے تو لے آنا ہم وہی حق مہر بنا کر اس کا نکاح تجھ سے کر دیں گے. وہ صحابی اپنے گھر گیا مگر غربت کا عالم یہ تھا کہ گھر سے لوہے کی ایک انگوٹھی بھی نہ ملی. اس نے کہا کہ یا رسول اللہ صلی اللہ علیہ و سلم! میرے پاس ایک چادر ہے. اس میں سے آدھی میں حق مہر میں اسے دے دیتا ہوں اور آدھی خود رکھ لیتا ہوں. رسول اللہ صلی اللہ علیہ و سلم نے فرمایا :"وہ آدھی نہ آپ کے کسی کام آئے گی اور نہ اس کے کام آئے گی."  وہ خاموشی سے ایک طرف ہو کر بیٹھ...

قرآن مجید اللہ کی سچی کتاب ہے۔ یہ اللہ کا پیغام اپنے بندوں کے نام ہے، اس کی تلاوت سے ایمان بڑھتا ہے اور دلوں کا زنگ اترتا ہیں۔ قرآن مجید کی تلاوت  کرنا باعث برکت اور ثواب ہے اس کو سمجھنا باعث ہدایت جبکہ عمل کرنا باعث نجات ہے۔ مگر افسوس کا مقام ہے! کہ ہماری اکثریت تلاوتِ قرآنِ مجید سے غافل ہے۔اور دنیا کے کاموں میں مشغول ہے۔  جبکہ تلاوت قرآن کے لئے وقت نہیں ملتا کا بہانہ بنایا جاتا ہے۔  یقین جانیں! تلاوتِ قرآنِ پاک سے اللہ ﷻ وقت میں برکت ڈالتا ہے۔ علامہ ابن قیم رحمہ اللہ کہتے ہیں: اگر لوگوں کو معلوم ہو جائے کہ قرآن مجید کو سمجھ کر پڑھنے اور اس میں غور و فکر کرنے میں کیا لطف اور کیافائدے ہیں تو وہ ساری چیزوں کو چھوڑ کر قرآن میں مصروف ہوجائیں ۔ (مفتاح دار السعادہ 1/187) اوقات میں برکت کا راز"   اوقات میں برکت اور اللہ تعالی کی اعانت کا ایک سبب قرآن مجید کی تلاوت ہے - ہمارے اسلاف مختصر وقت میں وہ کام کر گزرتے تھے جس کا آج تصور بھی نہیں کیا جاسکتا، اور یہ سبب ہے قرآن کریم اور اللہ سبحانہ و تعالی سے ان کے تعلق اور اخلاص کا، اس لئے جو خوش نصیب جس قدر قرآن حکیم پڑھتا ہے...